AS MIÑAS COUSAS

Ola, rapazas e rapaces!

Xa  me dixeron que  estades  escoitando cancións da música tradicional galega na vosa megafonía de entradas e saídas do colexio.Como, ao parecer, estes días estades oíndo a canción "As  miñas  cousas";   pensei que vos podían gustar os vídeos que atopei  onde cantan esta canción tan animada. Que vos parecen?

Sigo buscando, a ver se encontro  algunha versión  máis.

Vós podedes recomendarme as cancións que vos gusten, que a min encántame a música!

Biquiños para todos,

Feirán

Ola, amigas  e  amigos!!!

Graciñas polas  vosas  respostas  á  miña  pregunta sobre a cascarilla; aprendín moito con elas. 

 Vexo que hai  grandes  investigadores no Emilia e  que  facedes  uns  "informes"  moi  completos!
 De feito, estou  escaneando os que máis  me  chamaron a atención para poñelos  no  noso blog.

  Despois  de  tanta  axuda, eu  tamén  quero  enviarvos  algo: 

Entereime de que mañá  ides  celebrar

o día de Rosalía de Castro 

nos colexios de Galicia  e..., 

 como  escoitei  que  no  Emilia  ides  ler  o  poema  "Aires, airiños, aires"  do  libro de Cantares Gallegos;

quería  compartir con vós este vídeo tan  bonito  no  que  unha  estupenda actriz  recita/dramatiza  este  poema tan famoso:

Seguro que vós  tamén  o  facedes  xenial  mañá  na  megafonía!   Xa  me  contaredes! 
 Agardo as vosas  novas.

  Unha  aperta,

     Feirán

CASCARILLEIROS?

Feliz  Ano  Novo,  a  todas  e  todos!!!

Nas  vacacións de Nadal non puiden  conectarme  moito,  pero  acabo  de  abrir  a  vosa  páxina  do  colexio  e  xa  vin  algo  sobre  os  cascarilleiros. Aínda  non  me  chegaron  as  vosas  respostas, pero  xa  escoitei  a  canción  que  lles  adican.  É  sobre  Coruña, non si?
Esta  parece  unha  canción  moi  popular  na  vosa  cidade; xa que ,  polo  que  vin  en  Internet, aí  cántana desde os cantantes profesionais ... 

... ata MESMO  OS  GATOS  DA  RÚA!!!!

  NON  DOU  CRETO!!!

     PARECE  INCRIBLE!!!